શ્રી યમુનાજીની આરતી

જય જય શ્રીયમુના મા, જય જય શ્રીયમુના (૨)
જોતાં જનમ સુધાર્યો (૨), ધન્ય ધન્ય શ્રીયમુના…જય.. જય.. શ્રી..
શામલડી સુરત, મા મૂરત માધુરી (૨)
પ્રેમ સહિત પટરાણી (૨), પરાક્રમે પૂરાં…જય.. જય.. શ્રી..
ગહેવર વન ચાલ્યા, મા ગંભીરે ઘેર્યા (૨)
ચુંદડીએ ચટકાળાં (૨), પહેર્યા ને લહેર્યા…જય.. જય.. શ્રી..
ભુજ કંકણ રૂડાં, મા ગુજરીયા ચૂડી (૨)
બાજુબંધ ને બેરખા (૨), પહોંચી રત્નજડી…જય.. જય.. શ્રી..
ઝાંઝરને ઝમકે, મા વિછીયાને ઠમકે (૨)
નેપૂરને નાદે મા (૨), ઘુઘરીને ઘમકે…જય.. જય.. શ્રી..
સોળે શણગાર સજ્યા, મા નકવેસર મોતી (૨)
આભરણમાં ઓપો છો (૨), દર્પણ મુખ જોતાં…જય.. જય.. શ્રી..
તટ અંતર રૂડાં, મા શોભિત જલ ભરીયાં (૨)
મનવાંછિત મુરલીધર (૨), સુંદર વર વરિયાં…જય.. જય.. શ્રી..
લાલ કમળ લપટ્યા, મા જોવાને ગ્યાતા (૨)
કહે ‘માધવ’ પરિક્રમા (૨),વ્રજની કરવાને ગ્યાતા…જય.. જય.. શ્રી..