ભક્તિવર્ધિની ગ્રંથ સાથે જોડાયેલ પ્રસંગ :

પુરુષોત્તમ જોશી ગુજરાતમાં રહેતા. એ સમયગાળા માં મહાપ્રભુજી ગુજરાત પધાર્યા. પુરુષોત્તમ જોશીએ આપના દર્શન કર્યા. ત્યારે પુરૂષોત્તમ જોશીએ શ્રીઆચાર્યજી પાસે આવી નમસ્કાર કરીને પૂછયું, મહારાજ ! ક્રર્મ માર્ગ મોટો કે જ્ઞાનમાર્ગ મોટો ?
ત્યારે શ્રીઆચાર્યજી કહે, જેના મનમાં દઢ જે માર્ગ આવે, જેમાં જેનો વિશ્વાસ હોય તેના મનથી તો તે માર્ગ મોટો અને મોટો તો ભક્તિમાર્ગ છે. જેમાં જીવ કૃતાર્થ થાય અને જ્ઞાનમાર્ગ અને કર્મમાર્ગથી કૃતાર્થ કઠિલતાથી થાય.
તે કોઈથી બની શકે નહિ. કેમકે કષ્ટસાધ્ય છે. આ કાલમાં શરીરને કષ્ટ આપ્યું ન જાય. જો કોઈ વદી શરીરનું કષ્ટ સહે તો મન ઠેકાણે ન રહે. તેથી ભક્તિમાર્ગીય જીવ કૃતાર્થ થાય. બીજો આશય નથી.
ત્યારે પુરુષોત્તમ જોશીએ કહ્યું કે મહારાજ ! ભક્તિનું સ્વરૂપ શું ? તે કૃપા કરીને કહીએ ત્યારે શ્રીઆચાર્યજી કહૈ. ભક્તિનું સ્વરૂપ વર્ણન કરીએ તો પાર ન આવે, પરંતુ કંઈક તને કહું છું ત્યારે ‘ભક્તિવર્ધિની‘. ગ્રંથ કરી અગિયાર શ્લોક પુરુષોત્તમ જોશીને સંભળાવ્યા, કેમ કે એ ઉત્તમ અધિકારી છે. તેથી બધું જ્ઞાન તેમને થઈ ગયું.
ત્યારે શ્રીઆચાર્યજીને દંડવત કરી તેમણે વિનંતી કરી, મહારાજ ! આટલા દિવસ અમે કર્મમાર્ગમાં રચ્યાપચ્યા રહ્યા પરંતુ કંઈ હાથ આવ્યું નહીં. વૃથા જન્મ ખોયો. હવે આપ અમને શરણે લો. આજ્ઞા કરો તે અમે કરીએ.
ત્યારે શ્રીઆચાર્યજીએ દઢ પ્રીતિ જોઈને નામ સંભળાવી બ્રહ્મસંબંપ કરાવું અને માથા ઉપર ચરણ પર્યા, હૃદય ઉપર ચરણ પર્યા. અને કહે કે તને ભક્તિમાર્ગ સ્ફુરશે. કઈક આવી જ રીતે મહાપ્રભુજી એ ગદાધારદાસ વૈષ્ણવ ને પણ ‘ભક્તિવર્ધિની’ ગ્રંથ નું અધ્યયન કરાવ્યું.