સેવાફલમ ગ્રંથ સાથે જોડાયેલ પ્રસંગ :

84 વૈષ્ણવ માં ના વિષ્ણુદાસ છીપા જે પ્રથમ અષ્ટછાપ કવિ મંડળ ના ભાગ હતા. જ્યારે શ્રી મહાપ્રભુજી ના શરણે આવ્યા. પછી શ્રીઆચાર્યજી શ્રીયમુનાજીના તીરે પધારી વિષ્ણુદાસને ન્હવડાવી નામ સંભળાવ્યું અને બ્રહ્મસંબંધ કરાવ્યું.

ત્યારે વિષ્ણુદાસે વિનંતી કરી મહારાજ ! હું મૂર્ખ છું, તેથી એવી કૃપા કરો કે શ્રીભાગવત આદિ આપના ગ્રંથનું કંઈક જ્ઞાન થાય, આપના માર્ગનો સિદ્ધાંત સમજાય ત્યારે શ્રીઆચાર્યજી ‘સેવા-ફલમ્‘ ગ્રંથ કરી વિષ્ણુદાસને સંભળાવ્યો.

તે સાંભળીને વિષ્ણુદાસે વિનંતી કરી મહારાજ ! ‘સેવા- ફલ’ ગ્રંથના સાંભળવાથી બધા શાસ્ત્ર-પુરાણનું જ્ઞાન થયું. પરંતુ ‘સેવા-ફલ’ ગ્રંથનો અભિપ્રાય સમજવામાં ન આવ્યો. ત્યારે શ્રીઆચાર્યજી કહે, જે ‘સેવા-ફલ’ ગ્રંથ એવો જ કઠણ છે.

સારું કર્યું તે પૂછયું. પછી આપે ‘સેવા-ફલ’ની ટીકા કરીને સંભળાવી ત્યારે માર્ગનો સમગ્ર સિદ્ધાંત વિષ્ણુદાસને હૃદયારૂઢ થયો. તેમાં મગન થઈ ગયા.