|| શ્રીવલ્લભાષ્ટકમ્ ||
શ્રીમદ્દવૃન્દાવનેન્દુ-પ્રકટિત-રસિકાનન્દ-સન્દોહરૂપ- સ્ફૂર્જદ-રાસાદિલીલામૃત-જલધિ-ભરાક્રાન્ત-સર્વોડપિ-શશ્વત્ ||
તસ્યૈવાત્માનુભાવ-પ્રકટન-હૃદયસ્યાજ્ઞયા પ્રાદુરાસીદ્દ ભૂમો ય: સન્મનુષ્યાકૃતિરતિકરુણસ્ તં પ્રપધે હુતાશમ્ ||૧||
નાવિર્ભુયાદ ભવાંશ્ચેદ્ અધિધરણિતલં ભૂતનાથોદિતાસન-માર્ગધ્વાન્તાન્ધતુલ્યા નિગમપથગતો દેવસર્ગેડપિ જાતા: ।।
ઘોષાધીશં તદેમે કથમપિ મનુજા: પ્રાપ્નુયુર્ નૈવ દેવી સૃષ્ટિર્ વ્યર્થા ચ ભૂયાન્ નિજ-ફલ-રહિતા દેવ! વૈશ્વાનરૈષા ।। ૨ ||
ન હ્યન્યો વાગધીશાત્ શ્રૃતિગણ-વચસાં ભાવમ્ આજ્ઞાતુમ્ ઈષ્ટે યસ્માત્ સાધ્વી સ્વભાવ પ્રકટયતિ વધૂર્ અગ્રતઃ પત્યુરેવ ।।
તસ્માત્ શ્રીવલ્લભાખ્ય! ત્વદુદિત-વચનાદ્ અન્યથા રૂપયન્તિ ભ્રાન્તા યે તે નિસર્ગ-ત્રિદશ-રિપુતયા કેવલાન્ધન્તમોગા : ।।૩।।
પ્રાદુર્ભૂતેન ભૂમૌ વ્રજપતિ-ચરણામ્ભોજ-સેવાખ્ય-વત્ર્મ -પ્રાકટ્યં યત કૃતં તે તદુત નિજકૃતે શ્રીહુતાશેતિ મન્યે ।।
યસ્માદ્દ અસ્મિન્ સ્થિતો યત્કિમપિ કથમપિ ક્વાપ્યુપાહર્તુમિચ્છ- ત્યદ્ધા તદ્દ ગોપિકેશ: સ્વવદન-કમલે ચારુહાસે કરોતિ || ૪ ।।
ઉષ્ણત્વૈક-સ્વભાવોઽપ્યતિ-શિશિરવચઃ પુંજ-પીયૂષ-વૃષ્ટિર- આર્તેષ્વત્યુગ્ર-મોહાસુર-નૃષુ યુગપત્ તાપમપ્યત્ર કુર્વન્ ||
સ્વસ્મિન્ કૃષ્ણાસ્યતાં ત્વં પ્રકટયસિ ચ નો ભૂતદેવત્વમેતદ્ યસ્માદ્ આનન્દં શ્રીવ્રજજન-નિચયે નાશકં ચાસુરાગ્ને: ||૫||
આમ્નાયોક્તં યદમ્ભો ભવનમ્ અનલતસ્ તચ્ચ સત્યં વિભો યત્ સર્ગાદૌ ભૂતરૂપાદ્ અભવદ્ અનલત: પુષ્કરં ભૂતરૂપમ્ ।।
આનન્દૈક-સ્વરૂપાત્ ત્વદધિભુ યદભૂત્ કૃષ્ણસેવા-રસાબ્ધિઃ ચાનન્દૈક-સ્વરૂપસ્ તદખિલમુચિતં હેતુસામ્યં હિ કાર્યે ॥૬ ।|
સ્વામિન્ શ્રીવલ્લભાગ્ને! ક્ષણમપિ ભવતઃ સન્નિધાને કૃપાતઃ પ્રાણપ્રેષ્ઠ-વ્રજાધીશ્વર-વદન-દિદક્ષાર્તિ-તાપો જનેષુ ।।
યત્ પ્રાદુર્ભાવમ્ આપ્નોત્યુ ચિતતરમ્ ઇદં યત્તુ પશ્ચાદ અપીત્થં દષ્ટેડપ્યસ્મિન્ મુખેન્દૌ પ્રચુરતરમ્ ઉદેત્યેવ તચ્ચિત્રમેતત્ ||૭||
અજ્ઞાનાદ્યન્ધકાર-પ્રશમનપટુતા-ખ્યાપનાય ત્રિલોક્યામ્ અગ્નિત્વં વર્ણિતં તે કવિભિરપિ સદા વસ્તુતઃ કૃષ્ણ એવ ।।
પ્રાદુર્ભૂતો ભવાન્ ઇત્યનુભવ-નિગમાદ્યુક્ત-માનૈર્ અવેત્ય ત્યાં શ્રીશ્રીવલ્લભેમે નિખિલબુધજના: ગોકુલેશં ભજન્તે ।।૮।।
।। ઇતિ શ્રીમદ્ વિટ્ઠલદીક્ષિતવિરચિતં શ્રીવલ્લભાષ્ટકં સમ્પૂર્ણમ્ ।।
