Namratnakhya Storam

Shri Gusaiji’s Pancham Laal, Pancham peethadhish Shri Raghunathji created Namratnakhya Storam on Shri Gusaiji.

with english meaning:

pathan:

॥ Nāmaratnākhyastotram ॥

(Maṅgala-upakrama)

yannāmārkodayāt pāpahṛd-dhvānta-rāśiḥ praśāmyati ।
vikasanti hṛdabjāni tannāmāni sadāśraye ॥1॥

ānuṣṭubham ihacchandaḥ ṛṣir agnikumārajaḥ ।
sarvaśakti-samāyukto devaḥ śrīvallabhātmajaḥ ॥2॥

viniyogaḥ samasteṣṭa-siddhyarthe vinirūpitaḥ ॥

(Śrīviṭṭhalanātha-prabhucaraṇake 108 nāma)

śrīviṭṭhalaḥ kṛpāsindhur bhaktavaśyo ’tisuṃdaraḥ ॥3॥

kṛṣṇa-līlā-rasāviṣṭaḥ śrīmān vallabha-nandanaḥ ।
durdṛśyo bhakta-sandṛśyo bhaktigamyo bhayāpahaḥ ॥4॥

ananya-bhakta-hṛdayo dīnānāthaika-saṃśrayaḥ ।
rājīva-locano rāsa-līlā-rasa-mahodadhiḥ ॥5॥

dharmasetur bhaktisetuḥ sukhasevyo vrajeśvaraḥ ।
bhaktaśokāpahaḥ śāntaḥ sarvajñaḥ sarvakāmadaḥ ॥6॥

rukmiṇī-ramaṇaḥ śrīśo bhaktaratna-parīkṣakaḥ ।
bhakta-rakṣaika-dakṣaḥ śrīkṛṣṇa-bhakti-pravartakaḥ ॥7॥

mahāsura-tiraskartā sarvaśāstra-vid-agraṇīḥ ।
karma-jāḍyābhid-uṣṇāṃśur bhaktanetra-sudhākaraḥ ॥8॥

mahālakṣmī-garbharatnaṃ kṛṣṇa-vartma-samudbhavaḥ ।
bhakta-cintāmaṇir bhakti-kalpadruma-navāṅkuraḥ ॥9॥

śrīgokula-kṛtāvāsaḥ kālindī-pulina-priyaḥ ।
govardhanāgamarataḥ priya-vṛndāvanācalaḥ ॥10॥

govardhanādri-makhakṛn mahendra-mada-bhit-priyaḥ ।
kṛṣṇalīlaika-sarvasvaḥ śrībhāgavata-bhāvavit ॥11॥

pitṛ-pravartita-patha-pracāra-suvicārakaḥ ।
vrajeśvara-prītikartā tan-nimantraṇa-bhojakaḥ ॥12॥

bālalīlādi-suprīto gopī-sambandhi-satkathaḥ ।
ati-gambhīra-tātparyaḥ kathanīya-guṇākaraḥ ॥13॥

pitṛ-vaṃśodadhi-vidhuḥ svānurūpa-sutaprasūḥ ।
dikcakravarti-satkīrtir mahojjvala-caritravān ॥14॥

aneka-kṣitipa-śreṇī-mūrdhāsakta-padāmbujaḥ ।
vipradāridrya-dāvāgnir bhūdevāgni-prapūjakaḥ ॥15॥

go-brāhmaṇa-prāṇarakṣā-paraḥ satya-parāyaṇaḥ ।
priya-śrutipathaḥ śaśvan mahā-makhakaraḥ prabhuḥ ॥16॥

kṛṣṇānugraha-saṃlabhyo mahā-patita-pāvanaḥ ।
anekamārga-saṅkliṣṭa-jīva-svāsthya-prado mahān ॥17॥

nānā-bhrama-nirākartā bhaktājñāna-bhid-uttamaḥ ।
mahāpuruṣa-sat-khyātir mahāpuruṣa-vigrahaḥ ॥18॥

darśanīyatamo vāgmī māyāvāda-nirāsakṛt ।
sadāprasanna-vadano mugdha-smita-mukhāmbujaḥ ॥19॥

premārdradṛg-viśālākṣaḥ kṣiti-maṇḍala-maṇḍanaḥ ।
trijagad-vyāpi-satkīrtir dhavalīkṛta-mecakaḥ ॥20॥

vāksudhākṛṣṭa-bhaktāntaḥkaraṇaḥ śatrutāpanaḥ ।
bhakta-samprārthita-karo dāsadāsīpsitapradaḥ ॥21॥

acintya-mahimā-meyo vismayāspada-vigrahaḥ ।
bhaktakleśāsahaḥ sarvasaho bhaktakṛte vaśaḥ ॥22॥

ācārya-ratnaṃ sarvānugraha-kṛn mantravittamaḥ ।
sarvasva-dāna-kuśalo gīta-saṅgīta-sāgaraḥ ॥23॥

govardhanācala-sakho gopa-go-gopikā-priyaḥ ।
cintitajño mahābuddhir jagadvandya-padāmbujaḥ ॥24॥

jagad-āścarya-rasakṛt sadā kṛṣṇa-kathā-priyaḥ ।
sukhodarka-kṛtiḥ sarva-sandeha-cheda-dakṣiṇaḥ ॥25॥

svapakṣa-rakṣaṇe dakṣaḥ pratipakṣa-kṣayaṃkaraḥ ।
gopikā-virahāviṣṭaḥ kṛṣṇātmā svasamarpakaḥ ॥26॥

nivedi-bhakta-sarvasvaḥ śaraṇādhva-pradarśakaḥ ।
śrīkṛṣṇānugṛhītaika-prārthanīya-padāmbujaḥ ॥27॥

(Phalaśruti)

imāni nāmaratnāni śrīviṭṭhala-padāmbujam ।
dhyātvā tadeka-śaraṇo yaḥ paṭhet sa hariṃ labhet ॥28॥

yad yan manasy abhidhyāyet tattad āpnoty asaṃśayam ।
nāmaratnābhidham idaṃ stotraṃ yaḥ prapaṭhet sudhīḥ ॥29॥

tadīyatvaṃ gṛhāṇāśu prārthyam etan mama prabho ।
śrīviṭṭhala-padāmbhoja-makaranda-juṣo ’niśam ।
iyaṃ śrīraghunāthasya kṛtir vijayatetarām ॥30॥

॥ iti śrīraghunāthaviracitaṃ nāmaratnākhyastotraṃ sampūrṇam ॥